alb-news

Nga Drita Cokaj

Do të jetë diferenca mes çmimit dhe kostos, e cila tregon masën me të cilën qytetarët do të tatohen në masën 10% aq herë sa ata të shesin një pasuri të patundshme. Gjithashtu në udhëzim janë të përcaktuara edhe kostot minimale dhe çmimet e referencës të shitjes edhe për pronat në rrethet e tjera të vendit.

Zbardhet pika e fundit e udhëzimit, e cila përcakton mënyrën se si do të veprohet me tatimin 10% të pasurive të patundshme. Ministria e Financave dhe Ministria e Drejtësisë kanë bërë dje publike kostot minimale të banesave për metër katror, të cilat janë blerë nga qytetetarët deri në vitet ’95, duke përfshirë edhe ato banesa që janë privatizuar pas rënies së sistemit komunist. Sipas këtij udhëzimi, në Tiranë kostoja minimale e banesave të blera ose të ndërtuara gjatë vitevë ‘91-‘95 do të jetë 22 460 lekë për metër katror. Ndërkohë, mësohet se çmimi minimal do të jetë i ndryshëm në varësi të zonave dhe luhatet nga 61 deri në 152 mijë lekë. Do të jetë diferenca mes çmimit dhe kostos, e cila tregon masën me të cilën qytetarët do të tatohen në masën 10% aq herë sa ata të shesin një pasuri të patundshme. Gjithashtu në udhëzim janë të përcaktuara edhe kostot minimale dhe çmimet e referencës të shitjes edhe për pronat në rrethet e tjera të vendit. Në këtë mënyrë, kostoja minimale në rrethe varion nga 840 lekë për metër katror në Bulqizë dhe në Tropojë. Ndërsa për qytete të tilla si Korça dhe Durrësi kostoja minimale arrin në 22 560 lekë për metër katror. Ndërkaq, duhet theksur fakti se ky vendim ka hyrë në fuqi në 1 janar të këtij viti. Kjo do të thotë kalimi i së drejtës së pronësisë mbi pasuritë e paluajtsashme, tokë dhe ndërtesë, tatohet me 10 përqind të fitimeve kapitale të realizuara. Ky paragraf i këtij udhëzimi nuk do të jetë i zbatueshëm në rastet e shkëmbimit të së drejtës së pronësisë mbi tokën me të drejtën e pronësisë mbi ndërtesën e ndërtuar mbi tokë. Në këtë rast tatimi i të ardhurave kryhet sipas procedurës së dhënë në nenin 20 të Ligjit nr. 8438, datë 28.12.1998 ” Për tatimin mbi të ardhurat”, të ndryshuar.

 

Si do të tatohet ai që shet një pasuri të patundhme?

 

Një shoqëri ndërtimi i ka shitur individit A një apartament me vlerën 5.000.000 lekë. Ky individ e shet këtë apartament pas disa vjetësh, tek një individ tjeter B, për 6.000.000 leke.

Individi A, do të tatohet me 10% të diferencës midis vlerës së shitjes 6.000.000 lek dhe vlerës së blerjes 5.000.000 Lekë.

Pra 10% x (6.000.000-5.000.000) = 100.000 lekë, do të jetë tatimi mbi të ardhurat personale nga kalimi i se drejtës së pronësisë, i cili paguhet nga individi A.

5- Përcaktimi i vlerës në shitje bazohet në kontratën e shitjes së pasurisë. Në rastet kur cmimi i shitjes për m2 i përcaktuar në kontratë është më i ulët se çmimi minimal i përcaktuar në shtojcat nr 2 dhe nr 3 bashkëngjitur ketij Udhezimi, zbatohen këto të fundit për efekt të llogaritjes së tatimit.

6-Përcaktimi i vlerës në blerje, bazohet në kontratën parardhëse të blerjes. Përjashtim nga ky rregull i përgjithshëm përbëjnë rastet e mëposhtme.

 

Tatimi

 

Tatimi mbi të ardhurat nga kalimi i të drejtës së pronësisë paguhet nga individi që kalon të drejtën e pronësisë mbi pasurinë e paluajtshme. Zyrat Vendore të Regjistrimit të Pasurisë së Paluajtshme llogarisin dhe arketojnëdetyrimin tatimor pëkatë sipas procdurave të përcaktuara në Ligj dhe në këtë Udhëzim. Pagesa e detyrimit tatimor bëhet para kryerjes së regjistrimit të aktit të kalimit të së drejtës së pronësisë së pasurive të paluajtëshme, në ZVRPP, në përputhje me aktet ligjore. Zyrat Vendore të Regjistrimit të Pasurisë së Paluajtshme mbledhin tatimin lidhur me kalimin e të drejtës së pronësisë së pasurisë së paluajtshme dhe e derdhin atë brenda 10 ditëve nga kryerja e veprimeve për llogari të organeve tatimore.

Brenda datës 10 të muajit pasardhës, zyrat e regjistrimit të pasurisë së paluajtshme, dërgojnë në degën përkatëse të tatimeve evidencën përkatëse e cila përmbledh emrin e individit tatimpagues, shumën e llogaritur të tatimit mbi te ardhurat nga kalimi i te drejtës së pronësisë, si dhe numrin dhe datën e dokumentit të derdhjes së këtij detyrimi në organin tatimor.

 

Tatimi për ndërtesat e ndërtuara dhe të regjistruara në ‘95

 

Për ndërtesat e ndërtuara dhe të regjistruara deri në datën 31 dhjetor 1995, që nuk kanë vlerë në blerje, si dhe ndërtesat e privatizuara me Ligjin nr. 7652, datë 23.12.1992 “Për privatizimin e banesave shtetërore” i ndryshuar, për efekt të përcaktimit të tatimit për kalimin e së drejtës së pronësisë, si vlerë minimale në blerje do të merret kostoja mesatare për m2 e sipërfaqes së shfrytëzueshme, të përcaktuara nga Enti Kombëtar i Banesave, në VKM nr 815 datë 9.12.1996. gjithashtu, për qytetet që nuk përmenden fare në Vendimin përkatës të Këshillit të Ministrave, për efekt llogaritjeje do të merret në konsideratë kostoja mesatare e qytetit në distancën më të afërt. Ndërkohë, për ndërtesat e ndërtuara dhe të regjistruara nga 1 janari 1996, deri më 31 dhjetor 2002, të cilat nuk kanë vlerë në blerje, për efekt të përcaktimit të tatimit për kalimin e së drejtës së pronësisë, si vlere minimale në blerje, do të merret kostoja mesatare për m2 të sipërfaqes së shfrytëzueshme e përcaktuar nga Enti Kombëtar i Banesave në: Vendimet e Këshillit të Ministrave: VKM nr. 815, date 09.12.1996; VKM nr. 13, date 05.01.1998; VKM nr. 214, date 28.04.1999; VKM nr. 362, datë 14.07.2000. për të gjitha ato qytete që nuk përmenden në Vendimet përkatëse të Këshillit të Ministrave, apo aktet e tjera nënligjore, për efekt llogaritjeje do të merret në konsideratë kostoja mesatare e qytetit në distancën më të afërt .

   

Ndërtesat ndërtuara dhe të regjistruara pas 1 Janarit të 2003

 

Për ndërtesat e ndërtuara dhe të regjistruara pas 1 janar 2003, të cilat nuk kanë vlerë në blerje, për efekt të përcaktimit të tatimit për kalimin e së drejtës së pronësisë, si vlerë minimale në blerje do të merret kostoja minimale fiskale e përcaktuar në Marrëveshjen e Drejtorisë së Përgjithshme të Tatimeve me Shoqatën e Ndërtuesve të Shqipërisë, dhe në Vendimin e Këshillit të Ministrave nr. 173, date 29.03.2006 ”Për miratimin e kostos minimale fiskale në ndërtim dhe për mënyrën e përcaktimit të çmimit të shitjes së banesave”, të cilat janë pasqyruar në shtojcën nr.1 bashkëlidhur këtij Udhëzimi. Për qytetet që nuk përmenden në Marrëveshjet përkatëse, për efekt llogaritjeje do të merret në konsiderate kostoja mesatare për m2 të sipërfaqes së shfrytëzueshme e përcaktuar nga Enti Kombëtar i Banesave në Udhëzimin e Kryeministrit nr 1, datë 8.5.2003; nr. 1, datë 4.03.2004; nr 5, datë 23.11.2005; nr. 5 datë 7.09.2006 dhe nr. 2, datë 4.04.2007 dhe në aktet e tjera për vitet në vijim.

 

Respektimi i çmimeve minimale fiskale

 

Ministria e Drejtësisë do të jetë e ngarkuar për të bërë njohjen zyrtare të zyrave noteriale me këtë Udhëzim, lidhur me respektimin e zbatimit të çmimeve minimale fiskale të përcaktuara. Mosrespektimi i çmimeve në kontratat e noterizuara të shitjeve të pasurisë së paluajtshme konsiderohen kundravajtje administrative për zyrat e noterisë dhe penalizohen sipas dispozitave ligjore në fuqi. Në rastet kur individët, nëpërmjet aktit noterial kanë bërë kalimin e së drejtës së pronësisë përpara datës 1 janar 2008, por nuk kanë paguar detyrimin tatimor dhe paraqiten pas kësaj date për të kryer regjistrimin në sportelet e Zyrave Vendore të Regjistrimit të Pasurisë së Paluajtshme, detyrimi tatimor do te llogaritet sipas dispozitave te nenit 11 te Ligjit nr. 8438, date 28.12.1998 ” Për tatimin mbi të ardhurat”, të ndryshuar me Ligjin nr. 9716, date 16.04.2007. Në rastet kur individët kanë nënshkruar kontratë të kalimit të së drejtës së pronësisë dhe kanë paguar tatimin para datës 1 janar 2008 dhe paraqiten pas kësaj date pranë ZVRPP për regjistrim pasurie, nuk paguajnë detyrime tatimore shtesë.

 

 

 Box              

                                       

KOSTOT MINIMALE FISKALE SIPAS VITEVE DHE ZONAVE

                                                Ne leke

Nr.	Qytetet	Kosto minimale m2 siperfaqe viti 2003	Kosto minimale m2 siperfaqe viti 2004	Kosto minimale m2 siperfaqe viti 2005	Kosto minimale m2 siperfaqe viti 2006	Kosto minimale m2 siperfaqe viti 2007
1	Berat	21.964	22.356	22.356	24.840	24.840
2	Diber	20.186	20.547	20.547	22.830	22.830
3	Durres	21.964	22.356	22.356	24.840	24.840
4	Elbasan	19.151	19.494	19.494	21.660	21.660
5	Fier	21.061	21.438	21.438	23.820	23.820
6	Gjirokaster	21.698	22.086	22.086	24.540	24.540
7	Gramsh	20.478	20.844	20.844	23.160	23.160
8	Kavaje	20.372	20.736	20.736	23.040	23.040
9	Korce	20.054	20.412	20.412	22.680	22.680
10	Kruje	22.043	22.437	22.437	24.930	24.930
11	Kucove	23.157	23.571	23.571	26.190	26.190
12	Kukes	22.202	22.599	22.599	25.110	25.110
13	Kurbin	22.043	22.437	22.437	24.930	24.930
14	Lezhe	19.841	20.196	20.196	22.440	22.440
15	Librazhd	19.151	19.494	19.494	21.660	21.660
16	Lushnje	21.884	22.275	22.275	24.750	24.750
17	Mirdite	22.282	22.680	22.680	25.200	25.200
18	Mat	22.017	22.410	22.410	24.900	24.900
19	Peqin	19.205	19.548	19.548	21.720	21.720
20	Permet	20.850	21.222	21.222	23.580	23.580
21	Pogradec	23.104	23.517	23.517	26.130	26.130
22	Puke	30.584	31.131	31.131	34.590	34.590
23	Sarande	23.741	24.165	24.165	26.850	26.850
24	Shkoder	25.067	25.515	25.515	28.350	28.350
25	Skrapar	17.772	18.090	18.090	20.100	20.100
26	Tepelene	21.884	22.275	22.275	24.750	24.750
27	Tropoje	31.804	32.373	32.373	35.970	35.970
28	Vlore	21.963	22.356	22.356	24.840	24.840
29	Tirane	26.526	27.000	27.000	30.000	30.000

 

TABELA E CMIMEVE MINIMALE TE SHITJES SE NDERTESAVE

 

PËR QYTETIN E TIRANËS

Ne leke

NR	ZONAT SIPAS HARTES BASHKENGJITUR	Cmimet minimale te shitjes per efekt fiskal (Lek/m2) Viti 2008
1	1/1	79300
2	1/2	61000
3	2/1	152500
4	2/2	109800
5	2/3	97600
6	2/4	61000
7	3/1	63440
8	3/2	61000
9	4/1	61000
10	4/2	61000
11	5/1	152500
12	5/2	122000
13	5/3	79300
14	5/4	73200
15	6	61000
16	7/1	109800
17	7/2	109800
18	7/3	85400
19	7/4	63440
20	8/1	95160
21	8/2	76860
22	8/3	63440
23	9/1	122000
24	9/2	103700
25	9/3	73200
26	10/1	122000
27	10/2	115900
28	10/3	109800
29	11/1	79300
30	11/2	67100
31	11/3	61000
32	Komuna Farke	73200
33	Komuna Dajt	61000
34	Komuna Kashar	48800

Shenim:

1- Cmimi per 1 m2 sip. ndertimi per dyqane mallrash apo sherbimesh eshte 2 here me i larte se cmimi i siperfaqeve te banimit sipas zonave.

2- Cmimi per 1 m2 sip. ndertimi per garazhd te mbuluar eshte 70 perqind e cmimit te siperfaqeve te apartamenteve te banimit sipas zonave.

3- Cmimi per 1 m2 sip. ndertimi zyra eshte i njejte me cmimin e sip. te apartamenteve.

4- Cmimi per 1 m2 sip. ndertimi per parkim i hapur eshte 30 perqind e cmimit te siperfaqeve te apartamenteve te banimit sipas zonave.

5- Per ndertesat e privatizuara me Ligjin nr. 7652, date 23.12.1992 “Per privatizimin e banesave shteterore” i ndryshuar, cmimi per m2 eshte 70 perqind e cmimit sipas zonave te tabeles.

6. Per ndertimet ne komunat e tjera te Tiranes, cmimi minimal llogaritet 36,600lek/m2.  

 

                                                      

Shtojca 3

TABELA E ÇMIMEVE MINIMALE TE SHITJES SE NDERTESAVE PER QYTETET E TJERA

Ne leke

Nr	Qytetet	Cmimi minimal fiskal Lek/m2 Viti 2008
1	Berat	42700
2	Diber	34160
3	Durres	67100
4	Elbasan	46360
5	Fier	61000
6	Gjirokaster	42700
7	Gramsh	30500
8	Kavaje	61000
9	Korce	48800
10	Kruje	34160
11	Kucove	30500
12	Kukes	30500
13	Kurbin	30500
14	Lezhe	61000
15	Librazhd	34160
16	Lushnje	42700
17	Mirdite	30500
18	Mat	30500
19	Peqin	30500
20	Permet	30500
21	Pogradec	48800
22	Puke	34770
23	Sarande	67100
24	Shkoder	42700
25	Skrapar	30500
26	Tepelene	30500
27	Tropoje	35990
28	Vlore	67100

Shenim:

1- Cmimi per 1 m2 sip. ndertimi per dyqane mallrash apo sherbimesh eshte 1.5 here me i larte se cmimi i siperfaqeve te banimit.

2- Cmimi per 1 m2 sip. ndertimi per garazhd te mbuluar eshte 70 perqind e cmimit te siperfaqeve te apartamenteve te banimit sipas zonave.

3- Cmimi per 1 m2 sip. ndertimi zyra eshte i njejte me cmimin e sip. te apartamenteve.

4- Cmimi per 1 m2 sip. ndertimi per parkim i hapur eshte 30 perqind e cmimit te siperfaqeve te apartamenteve te banimit sipas zonave.

5-Cmimi per 1 m2 sip. ndertimi për qytetet që nuk janë të listuara në këtë shtojcë, është kosto e shitjes për m2 të përcaktuara nga Enti Kombëtar i Banesave në vitin e fundit.

6- Per ndertesat e privatizuara me Ligjin nr. 7652, date 23.12.1992 “Per privatizimin e banesave shteterore” i ndryshuar, për ndërtesat e ndërtuara dhe te regjistruara deri ne 31 dhjetor 2004, çmimi per m2 eshte kosto e shitjes për m2 të përcaktura nga Enti Kombëtar i Banesave në vitin e fundit.

7-Per komunat, cmimi minimal llogaritet 70 perqind e cmimit te qytetit perkates.